Першакласнікі наведалі сельскую бібліятэку, дзе з імі правялі конкурсную гульню "Банцікі - кветачкі".
Навіны 6 класс
Першакласнікі наведалі сельскую бібліятэку, дзе з імі правялі конкурсную гульню "Банцікі - кветачкі".
Паважаныя педагогі і ветэраны педагагічнай працы!
Прыміце ад першакласнікаў шчырыя віншаванні з прафесійным святам – Днём настаўніка!
Моцнага ўсім здароўя, аптымізму, дабрабыту і новых творчых поспехаў!
Здаецца, зусім нядаўна празвінеў першы званок для першакласнікаў, але мінуў цэлы месяц... За гэты перыяд дзеці шмат чаму навучыліся: пазнаёміліся з правіламі і абавязкамі школьніка. І вось – 28 верасня: клас святочна прыбраны, запрошаны бацькі, настаўнікі, вучні малодшых класаў, каб ва ўрачыстай абстаноўцы прыняць у вучні першакласнікаў.
Дзеці вельмі стараліся: выконвалі заданні, адгадвалі загадкі і рэбусы. Паспрабавалі скласці “Партфель першакласніка”, расказвалі вершы і выконвалі песні. Кожны вучань змог пераадолець выпрабаванні і вось… гучыць урачыстая музыка і “першакласнікі не проста дзеці, яны – вучні”. Зіхціць медаль першакласніка, а першакласнікі горда даюць клятву вучня.
У добры шлях, вучні 1-га класа!
Дзень ведаў – дзень чаканняў, радасці і надзей, свята, якое аб’ядноўвае людзей усіх пакаленняў.
А для тых, хто ідзе ўпершыню ў школу, гэты дзень асаблівы — гэта свята Першага званка. Для іх ўсё першае. Першы партфель і першы падручнік, першы букет першай настаўніцы…Дзень ведаў — свята для тых, хто зробіць чарговы крок па доўгай, але такой цікавай, поўнай адкрыццяў дарозе ведаў!
У гэты дзень усе шляхі вядуць да школы. Прыбраныя вучні, усхваляваныя бацькі і настаўнікі… Для кагосьці гэты дзень — вяртанне памяці ў мінулае, а для кагосьці — крок у будучае! І няхай ён будзе шчаслівым і ўдачлівым. У добры шлях!
