Зіма – час павышанага траўматызму

Дата: 19 декабря 2021 в 18:58

99 просмотров

Зіма – час павышанага траўматызму. Прычынай часта служыць галалёд, скарачэнне светлавога дня, слізкі абутак. Пагаршэнне стану праезнай часткі адбіваецца на павелічэнні колькасці дарожных здарэнняў і пацярпелых. Найбольш частыя пашкоджанні пры гэтым: чэрапна-мазгавая траўма, пераломы костак канечнасцяў, спалучаныя траўмы.

Зіма – час павышанага траўматызму. Каб знізіць рызыку падзення пры галалёдзе, неабходна выконваць наступныя правілы: насіць абутак пажадана на плоскай, рыфленай падэшве і на нізкім абцасе; уважліва глядзець пад ногі (у спешцы можна не заўважыць нават адкрытага лёду); у галаледзіцу хадзіць трэба па-асабліваму – слізгальнымі крокамі, на злёгку сагнутых нагах, нібы на маленькіх лыжах, наступаць на ўсю падэшву; ісці пажадана як мага павольней: чым хутчэй ідзеце, тым больш рызыка ўпасці; дзяўчатам у час галалёду нельга хадзіць на высокіх, тонкіх абцасах; не хадзіць блізка да сцен будынкаў – з даху можа зваліцца ледзяш або кавалак зацвярдзелага снега; у цёмны час сутак неабходна насіць адзенне са святлоадбівальнымі элементамі або прымацоўваць да курткі, ранцу святлоадбівальныя значкі і падвескі.

Каб не ўпасці – трэба ісці павольна, крыху нахіліўшыся наперад, сагнуць ногі ў каленях, трымаць рукі свабоднымі (без сумак і не ў кішэнях).

Калі вы пачынаеце падаць – узмахам рукі дапамажыце сабе аднавіць раўнавагу, адкінуўшы ўсё лішняе (торбу, пакеты).

У момант падзення – паспрабуйце максімальна напружыць мышцы, згрупавацца, “сціснуцца ў замак”, уцягнуць галаву ў плечы, локці прыціснуць да бакоў, спіну выпрастаць, ногі злёгку сагнуць. Падаючы, старайцеся прызямліцца на бок – важна паспець перавярнуцца. Пры непазбежным падзенні на спіну паспрабуйце прыціснуць падбародак да грудзей, рукі максімальна шырока раскінуць каб пагасіць удар, не прызямліцца на выстаўленыя локці і не траўміраваць іх. Нельга выстаўляць локці наперад і прызямляцца на выцягнутыя рукі – гэта прывядзе да пералому і іншым траўмам запясцяў. Падаючы, не рэкамендуецца садзіцца: у пажылых людзей гэта нярэдка прыводзіць да пералому шыйкі сцягна, у маладых – да траўм хвасца.

Пасля падзення неабходна ацаніць сваё самаадчуванне і працягнуць шлях, а дома ўважліва агледзець месца ўдару і, пры наяўнасці траўмы ці моцнага ўдару – звярнуцца ў траўмапункт.

Все новости

Комментарии:

Оставлять комментарии могут только авторизованные посетители.